18/05/13 ΒΙΝΤΕΟ ΤΗΣ ΗΜΕΡΑΣ: Ο ΞΕΡΙΖΩΜΟΣ: ΕΜΜΑΝΟΥΗΛΙΔΗΣ – ΤΣΑΝΑΚΑΛΗΣ
Ο Ξεριζωμόν
( Τίκ ⅝ )
Εξεριζώθαμ´ ασ´ σόν Πόντον εμείς ούλ´ μαζί
κ´ εχπάσταμ΄ γιά τήν Ελλάδαν γι´ άλλο ζωήν
μέ τή ψήν εμουν εχπάσταμ´ μόνον μέ τή ψήν
ούλä τ´ άλλα πα-ν εχάθαν΄ ´ς σήν ανταλλαγήν.
Αλ´ επέθαναν ´ς σά στράτας κι απέσ´ ´ς σό γιαζίν
κι άλλ´ π´ επέμ´νανε-ν αδέλφä ένταν ημ´σόν ψήν
ούλ´ κλαίνε μοιρολογούνε ´ς σήν ταράμονην
καί χάν´ τό παιδίν τή μάναν, η μάνα τό παιδίν.
Ασ´ εκείντς ν´ αϊλί π΄ εχπάσταν έρθαν οι ημ´σοί
όλä τ´ αλλα αδέλφä εχάθαν ´ς σήν καταστροφήν
εζήσαμε, εδούλεψαμε ούλ´ αδά κι ακεί
άμα πάντα γιά τόν Πόντον πάντα κλαίει η ψή.
Ρεφρέν :
Τά παπόρä εχπάσταν, šυρίζ´νε
´ς σήν Ελλάδαν πάνε κουίζ´νε.
Γιώργος Εμμανουηλίδης – τραγούδι
Γιάννης Βλασταρίδης (Τšανάκαλης) – λύρα
Ευχαριστούμε θερμά τον Χρήστο Ακριτίδη για την απόδοση των ποντιακών στίχων.